ئەگەر بەدوای فیلمدا دەگەڕێیت دەربارەی بۆرسە، فیلمی کەوتنەخوارەوەی بازاڕ، فیلمی بازرگانی، فیلمی پاڵنەر لە وەبەرهێنان و ژیان، یان هەر فیلمێکی پەیوەندیدار بە بازاڕ، ئەم لیستەی کوردواڵێت بۆ تۆیە. ئەگەر تەنانەت بەدوای هەندێک کات بەسەربردن لە جیهانی بازاڕ و بۆرسەدا دەگەڕێیت، یان ئەگەر تەنها پێویستت بە کەمێک فێربوونە، ئەم لیستەی فیلمەکانی وەبەرهێنانی کوردواڵێت ئاماژەیەکی زۆر باشە!
لە خوارەوە باشترین فیلمەکانی وەبەرهێنان و بازرگانیمان خستۆتە ڕوو، لەگەڵ شرۆڤەی تیمی کۆردۆواڵێت و ترەیلەری فیلمەکان بۆ ئەوەی بتوانن پێشبینی ئەوە بکەن کە فیلمەکە باسی چی دەکات!
لەکۆتایی پۆستەکەدا کۆمێنتێک بنوسە و پێمان بڵێ کام لەمانەت بەدڵ بوو (یان ڕقت لێبووە) و ئەگەر فیلمێکت دەزانی کە دەتوانرێت بخرێتە سەر ئەم لیستە و باسمان نەکردووە، ئاگادارمان بکەنەوە.
ئەم فیلمە چاوێکی کۆمیدی لە قەیرانی دارایی ساڵی ٢٠٠٧-٢٠٠٨ لە ئەمریکا دەکات و چیرۆکی ئەو بازرگانانە دەگێڕێتەوە کە تەنها لە کورتخایەندا وەبەرهێنان دەکەن کاتێک نرخی پشک و بۆندەکان بەرز دەبێتەوە. ئەو گروپە بازرگانانی درێژخایەنن کە بازاڕەکە بەرەو بەرزترین ئاست دەبەن. ئەدای ئەو گرووپە کاریگەرییەکی زۆری لەسەر گەشەی تەقینەوەکەی بازاڕی خانووبەرەی ئەمریکا لە ساڵی ٢٠٠٠دا هەبوو.
کوردواڵێت: ئەم فیلمە هەندێک لەو فشارە دەروونییانە نیشان دەدات کە بازرگانان دەتوانن ئەزموونی بکەن کە چۆن بەڕێوەبردنی پارەی زۆر یارییە دەروونییەکەی بازرگانی دەگۆڕێت. بە دڵنیاییەوە شایەنی سەیرکردنە.!.
فیلمەکە باس لە چیرۆکی ڕاستەقینەی نیک لیسۆن دەکات، کە گەنجێکی کارمەندە لە بانکی بارینگە، کە دوای ماوەیەکی سەرکەوتوو کارکردن لە ئۆفیسی کۆمپانیاکە لە ئەندەنوسیا، وەک بەڕێوەبەری گشتی قاتی بازرگانی بۆرسە دەنێردرێتە سەنگافورە. فیلمەکە دەبارەی سەرهەڵدانی لیسۆن دێتە کە بەم زووانە دەبێتە یەکێک لە بازرگانە سەرەکییەکان. بەڵام هەموو شتێک وەک خۆی نییە – لە ڕێگەی ئەکاونتی هەڵەی 88888، نیک زیانێکی گەورە دەشارێتەوە.
لە کۆتاییدا ئەم زیانانە دەگاتە زیاتر لە ٨٠٠ ملیۆن لیرە و نیک و لیزا هاوسەرەکەی بڕیار دەدەن سەنگافورە بەجێبهێڵن و بەرەو مالیزیا هەڵبێن. نیک درک بە ڕادەی زیانەکەی ناکات تا لە ڕۆژنامەکەدا نەخوێنێتەوە کە بارینگس ئیفلاس بووە. پاشان بڕیار دەدەن بگەڕێنەوە بۆ لەندەن، بەڵام نیک لە ڕێگای فرانکفۆرت دەستگیر دەکرێت. نیک ڕادەستی سەنگافورە کرایەوە و لەوێ سزای شەش ساڵ و نیو زیندانی بەسەردا سەپێندرا و تووشی شێرپەنجەی قۆڵۆن بوو. هەر بەو هۆیەشەوە حوکمەکەی تەواو نەکرد.
کوردواڵێت بینی ئەم فیلمە پشنیار دەکات.
فیلمی <شوێنە بازرگانییەکان> فیلمی دڵسووکی ڕەهای دڵخوازی کوردواڵێت کە باس لە بازرگانی و بازاڕە داراییەکان دەکات.
فیلمی شوێنەکانی بازرگانی سەبارەت بە چییە؟ وێنایەکی سەرسوڕهێنەرە کە چۆن زانیاری ناوخۆ، دەستکاریکردنی بازاڕ، ئیگۆ و کەسایەتی دەتوانن کاریگەرییان لەسەر بازاڕەکان (و بژێوی بازرگانێک) هەبێت.
کوردواڵێت: دەبارەی وردەکارییەکی سەرنجڕاکێشە کە چۆن بازرگانانی گەورە دەتوانن دەستکاری بازاڕەکان بکەن. زۆربەی ئەمانە گۆڕاوە ئێستا، بەڵام ئەمە هێشتا فیلمێکی بازرگانی باشە کە پێویستە هەموو بازرگانێک سەیری بکات کاتێک پێویستیان بە تێگێشتن لە ناوخۆی بازارەکان دەبێت.
ئەم فیلمە هەست و ترس و کردەوەی وۆڵ ستریت نیشان دەدات، کاتێک لە کۆمپانیایەکی وەبەرهێناندا قسە و باسە کارەساتبارەکان لە بازاڕەکانی گرێبەستی خانووبەرەدا دەبێتە هۆی داڕمانی کۆمپانیاکە.
کوردواڵێت: ئەمە فیلمێکی نایاب و ناوازەیە دەربارەی قەیرانی دارایی ساڵی ٢٠٠٨ بەڕاستی بە باشی ئەنجامدراوە و تێگێشتنی باش دەدات لە ئەم قەیرانە.
هەندێک لە کۆمپانیا داراییەکان ئەوەندە گەورەن و ئەوەندە بەیەکەوە گرێدراون کە دەرهێنانیان لە سیستەمەکە دەبێتە هۆی داڕمانی خودی سیستەمەکە. ئەم جۆرە کۆمپانیایانە ناویان لێنرا <زۆر گەورتر لە دارمان>.
کوردواڵێت: بازرگانان پێیان وایە بە تەنیایی لە بەرامبەر فشارەکانی بازاڕدا دەتوانن خۆ بپارێزن. بۆ ئەوان خۆڕێکخستن ناکەن؟ و بەرەنگاری هەر هەوڵێکی دەرەکی دەبنەوە. ئەگەر دەتهەوێت بزانی چۆن گەورە ترین کۆمپانیەکان بە تەنیا دەمێنەوە ئەم فیلمە ببینە.
ڕەنگە وەک بازرگانێک باسی فرۆشتنی کورتت بیستبێت، کە تێیدا پارە بەدەست دەهێنیت بە گرەوکردن لەسەر ئەوەی نرخی پشکەکانی کۆمپانیایەک دادەبەزێت.
کوردواڵێت: “گرەوکردن لەسەر سفر” فیلمێکی دۆکیۆمێنتارییە دەربارەی بازرگانییەک بە بەهای زیاتر لە ملیارێک دۆلار و هەڵمەتێکی پەیوەندیدار بۆ تێکدانی کۆمپانیای بازرگانی گەورە بە ناوی هێربالایف لەلایەن بەڕێوەبەری ملیاردێری سندوقی پاراستن بیل ئاکمان.
ئەمجارە دەرهێنەر و دەرهێنەری بەناوبانگ “تێد براون” فیلمێکی لەسەر وەبەرهێنانی یەک ملیار دۆلاری بیل ئاکمان لە کۆمپانیای هێرلایف مارکێتینگ کە بە گەورەترین کۆمپانیای هەرەمی ناسراوە دروست دەکات. کوردواڵێت: ئەم فیلمە تێڕوانینێکی زۆر سەرنجڕاکێش دەدات بۆ بازرگانییە گەورەکان، کاریگەرییە مرۆییەکان و ململانێی نێوان بەڕێوەبەرانی سندوقە دارایەکان.
کوردواڵێت: سەرنج ڕاکێش
Enron: The Smartest Guys in the Room (2005)
ئینرۆن: زیرەکترین کوڕانی ژوورەکە
ئەم فیلمە چیرۆکی نهێنی ئێنرۆن و سەرکەوتنەکانیان لە بواری بۆرسە و وزەدا وێنا دەکات. لە ساڵی ٢٠٠٥ ئەلێکس گیبنی، دۆکیۆمێنتاری ئەمریکی تەمەن ٥٢ ساڵ، فیلمی دیکۆمێنتاریی “ئێنرۆن: زیرەکترین پیاوەکانی ژوور”ی دروستکرد کە باس لە گەندەڵی دارایی و ئابووری لە سیستەم و کولتوری دارایی ئەمریکادا دەکات. هەر لەو ساڵەدا ئەم دۆکیۆمێنتارییە پاڵێوراو بوو بۆ خەڵاتی ئۆسکار بۆ باشترین فیلمی دیکۆمێنتاریی ساڵ، بەڵام نەیتوانی ئەم خەڵاتە بەدەست بهێنێت.
Inside Job (2010 – Documentary)
ئیشی ناوخۆ
فیلمێکی دیکۆمێنتاریی سەرنجڕاکێشە کە باس لەوە دەکات کە چۆن کردەوە بێباکانەکانی وۆڵ ستریت دەبێتە هۆی نزیکبوونەوەی داڕمانی کەرتی دارایی و دواتر قووڵترین پاشەکشە لە ساڵانی ١٩٣٠ەوە.
ئەمەش تێڕوانینێکی گەورە دەدات بۆ ئەو بێباکی و تەماحەی کە لەناو هەندێک لە کۆمپانیاکانی وۆڵ ستریتدا بە شێوەیەکی کێوی بەڕێوەدەچێت.
کوردواڵێت: ئەمە فیلمێک نییە دەربارەی بازرگانی، بەڵکو دیدێکە بۆ بازاڕەکان کە وەک کۆنتێکست بۆ بازرگانی تایبەت بەسوودە. بوومەلەرزە و داڕمان ڕاستییەکی ژیانە لە بازاڕەکاندا، ئامادەکاری بۆ ئەمە بکە لە بازرگانی خۆتدا و دەتوانیت زۆر زۆر باش ئەنجامی بدەیت
Wall Street: Money Never Sleeps (2010)
فیلمی “وۆڵ ستریت: پارە هەرگیز ناخەوێت” فیلمێکی سەرنجڕاکێشە بۆ بازرگانیکردن بە پشکەکان و دەربارەی بازاڕەکان، دەربارەی تەماح و هەست و پەیوەندییەکانی مرۆڤ و چۆن کاریگەرییان لەسەرە بڕێکی زۆر پارە و هێڵی ئەخلاقی.
کوردواڵێت: شایانی تەماشاکردنە،بەڵام ڕەنگە لێرەدا هیچ شتێکی بەنرخ بۆ بازرگانیکردنەکەت فێر نەبیت.
The Wolf of Wall Street (2013)
لە ساڵی ١٩٨٧ جۆردن بێلفۆرت دەستی بە کارکردن کرد وەک دەڵاڵی بۆرسەی وۆڵ ستریت لە کۆمپانیای دەڵاڵی ئێڵ ئێف ڕۆتشیڵد لە ژێر دەستی مارک هانا. هەر زوو سەرسام دەبێت بە داب و نەریتی دەڵاڵی بۆرسە لە بەکارهێنانی ماددە هۆشبەرەکان و باوەڕەکانی هانا کە تاکە ئامانجی دەڵاڵی بۆرسە پەیداکردنی پارەیە. لە ڕۆژی دووشەممەی ڕەشدا (گەورەترین دابەزینی یەک ڕۆژەی بازاڕی بۆرسە لە مێژووی ئەمریکادا)، جۆردن کارەکەی لەدەست دەدات و کارێک لە کۆمپانیایەکی بچووکی دەڵاڵی لە لۆنگ ئایلەند وەردەگرێت کە تایبەتە بە پشکە بچووکەکان. بەهۆی لێهاتوویی ئوردن بۆ قەناعەت پێکردنی کڕیارەکان، هەروەها کۆمیسیۆنی بەرزی ئەم پشکانە، ئوردن پارەیەکی تاڕادەیەک باش بەدەست دەهێنێت.
کوردواڵێت: لە بنەڕەتدا کاتێک سەیری فیلمی “گورگەکەی وۆڵ ستریت”م کرد کاردانەوەم کاردانەوەی بێزاری تەواو بوو. سەرگەرمی بوو، بەڵام ئەوەندەی ئەو شتانەی لە فیلمەکەدا وێنا کرابوون، تەنیا نمایشێکی یاخیبووانەی مرۆڤایەتی بوو لە تەماحترین ئاستیدا.
من حەزم لەوە نییە ئەم فیلمە پێشنیار بکەم چونکە پێموایە ناوێکی خراپ بە بازرگانان و بازاڕەکان دەبەخشێت. فیلمێکی بازرگانی بەرز نییە، بەڵام تێڕوانینێکتان پێدەدات بۆ لایەنی دەڵاڵی بازاڕەکان و چۆن لە ڕێگەی پشکەکان دەڵاڵەکان کاردەکەن.
کوردواڵێت: ئەگەر فیلمێکی زەقت و بە مانای تەواو چیرۆک دەلالت دەوێت وئامادەیت بۆ چەند نمایشێکی جوان و ڕزیو لە شکستەکانی ئەخلاقی مرۆڤایەتی ئەوا ئەم فیلمە ڕەنگە باش بێت
واتە: تەماح، لەبەر نەبوونی وشەیەکی باشتر، باشە. – گۆردۆن گێکۆ
ناتوانم بڵێم لەگەڵ گۆردۆن گێککۆ هاوڕام، بەڵام ئەم فیلمە “Wall Street” بە دڵنیاییەوە یەکێک بوو لە کاریگەرترین فیلمەکانی بازاڕی بۆرسە.
کوردواڵێت: بە دڵنیاییەوە پێویستە سەیری بکەیت!
ژووری بۆیلەر چیرۆکێکی کۆمپانیایەکی دەڵاڵی نیشان دەدات کە ئەخلاقی زۆر جێی پرسیارە و پارەکانیان بە فریودانی وەبەرهێنەران بەدەست دەهێنن. فیلمەکە تێنەگەیشتنی سادە لە بازرگانیکردن نیشان دەدات. زۆر سەرگەرمکەرە.
کوردواڵێت: ئەمە نموونەیەکی تری فیلمێکە کە ناوێکی خراپ بە وۆڵ ستریت دەبەخشێت. ڕەنگە ڕاست بێت، بەڵام وەک بازرگانانی تایبەت تەنها پێویستە بازرگانی بکەین بە قازانج، ئێمە خەڵک فریو نادەین و ئازاری خەڵک نادەین – بە پێچەوانەی دەڵاڵەکانی ناو بۆیلەر ڕوم.
The Pursuit of Happyness (2006)
فیلمی ‘The Pursuit of Happyness’ فیلمێکی دڵتەزێنە و لەسەر بنەمای چیرۆکێکی ڕاستەقینە دروستکراوە. ئەم فیلمە باس لە باوکێکی تاقانە و خەباتکار دەکات کە سەرپەرشتی کوڕەکەی دەکات. باوکە شکاو و بێ ماڵ و حاڵەکە بەهۆی وەبەرهێنانێکی خراپەوە لە کۆمپانیایەکی ئامێرە پزیشکییەکان پەککەوتووە، سەرەڕای ئەگەرە دڵتەزێنەکان، خەونەکەی بۆ بوون بە دەڵاڵی بۆرسە بەدوای خۆیدا دەهێنێت.
کوردواڵێت: فیلمەکە فرمێسکڕێژە، بەڵام دیدێکی دەگمەنی بەرزکەرەوە دەدات بۆ بەدواداچوونی خەونەکانت و ژیانت لە بازاڕە داراییەکاندا. لەسەر بنەمای چیرۆکێکی ڕاستەقینە و بە تەواوی شایەنی سەیرکردنە!
Barbarians at the Gates (1993)
ئەم فیلمە باس لە کابرایەک دەکات بە ناوی جەیمس گارنەر کە ڕۆژێک کارمەندێکی سادە بووە و دەبێت بە بەڕێوەبەری جێبەجێکاری گەورە لە NYC.
جۆنسۆن ڕووبەڕووی پڕۆژەیەکی تێچووی زۆر دەبێتەوە کە پێدەچێت مەحکوم بێت، ئەو هەڵدەبژێرێت کە خۆی لە کاردانەوەی خاوەن پشکەکان بەدوور بگرێت بە هەوڵدان بۆ بەدەستهێنانی ئەو پارەیەی کە پێویستە بۆ کڕینی کۆمپانیاکە خۆی.
کوردواڵێت: لەوانەیە ئەم شێوازە سەرەتا کاریگەری هەبووبێت، بەڵام کاتێک نەهەنگەکانی تری پارە دەستیان کرد بە وەرگرتنی بۆنی قازانج ، شەڕی پێشنیارکردن و گرێوبەستن دەست پێدەکات.
نائۆمی بیشۆپ دوای ئەوەی دوایین کارەکەی شکستی هێنا، موکلەکانی لەدەست دەدات و متمانەی بەخۆی تێکدەچێت.
فیلمێکی دارایی کە باس لە بانکدارێکی وەبەرهێنانی باڵا دەکات کە هەڕەشەی دارایی لەسەرە و بڕیاریداوە پێشینەی خۆی لە پیشەسازی داراییدا کە پیاوان زاڵن و تێیدا کاردەکات، بگەڕێنێتەوە.
کوردواڵێت: زۆر گرینگە بینینی ژنان لە پلەی بەرز لەو کاتەوە وۆڵ ستریت بەناوبانگە کە پیاوان زاڵن بەسەریدا. پێویستە بینینی بۆ پیاوان ئەو ژنانەی سەرکەوتوو و پاڵنەر لە بواری داراییدا.
فیلمی Chasing Madoff فیلمێکی دۆکیۆمێنتارییە کە لەسەر بنەمای چیرۆکێکی مێژوویی ڕاستەقینە بە ناوی <کەس گوێی لێناگرێت> لە نووسینی هاری مارکۆپۆلۆس. باس لە پلانی پۆنزی و سەرهەڵدان و دابەزینی بێرنی مادۆف دەکات.
کوردواڵێت: پێویستە ئەم فیلمە ببینیت بۆ ئەوەی تێبگەیت کە وردبینیکردنی ئەو کۆمپانیایانە چەندە قورس و چاودێری بازرگانە گەورەکان چەند بە کێشەیە.
ئەم فیلمە نیشان دەدات کە چۆن شۆڕشێکی دارایی نوێ هیندستان و چین کە دوو وڵاتی زۆرترین دانیشتوانی جیهانن لە هەژارییەوە بۆ خۆشگوزەرانی لە یەک نەوەیدا دەباتە خوارەوە کە گۆڕانکارییەکی ئابوورییە کە لە مێژووی مرۆڤایەتیدا هاوتای نییە.
کوردواڵێت: کاتژمێرێکی تەواو بۆ ئەو کەسانەی دەیانەوێت لە مێژووی قووڵی دارایی جیهان تێبگەن. دیدگا و تێگەیشتنێکی زیاتر دەدات بە ئێوە لە چۆنیەتی کارکردنی جیهانی دارایی.
ئەمە فیلمێکی دیکۆمێنتارییە لەسەر سەرهەڵدانی بیتکۆین و شەڕ و ململانێی نێوان سەرمایەدارە سەرەکییەکان و ئەم تەکنەلۆژیا نوێیە و پێشکەوتووانەی کە پێی دەوترێت بلۆکچەین.
کوردواڵێت: بە دڵنیاییەوە چەند باسێکی سەرنجڕاکێش و شایەنی سەیرکردنە ئەگەر بەدوای فیلمێکی دراوی کریپتۆدا دەگەڕێیت.
فیلمی ‘The China Hustle’ فیلمێکی دیکۆمێنتارییە دەربارەی وەبەرهێنان لە کۆمپانیا چینییەکان کە گەشەی بازاڕیان بەڵێندەرانە.
کوردواڵێت: چیرۆکێکی ترسناکی وۆڵ ستریت سەبارەت بە کۆمپانیا چینییەکان و بازاڕی بۆرسەی ئەمریکا و تەماحی لە پشت گەورەترین دزیکان کە هەرگیز نەتبیستووە.
Quants: The Alchemists of Wall Street (2010)
فیلمێکی دیکۆمێنتارییە دەربارەی چۆنیەتی دیزاینکردن و دروستکردنی بەرنامەی کۆمپیوتەر و فرۆشتنی بە کۆمپانیا داراییە ئەمریکی و ئەوروپی و ئاسیاییەکان.
ئەم کەسانە بەرنامەکانیان داهاتێکی گەورە بۆ ئەو کۆمپانیایانە دروست دەکەن بەڵام تەنانەت خودی ئەوان ناتوانن گەرەنتی سەقامگیری مۆدێلەکانیان بکەن.
کوردواڵێت: فیلمێکی دیکۆمێنتاریی نایاب کە باس لە بەکارهێنانی تەکنەلۆژیا دەکات لە دەرفەتێک دا. ئەمە فیلمێکی بازرگانی بەرزە کە بە تەواوی شایەنی سەیرکردنە.
فیلمێکی دیکۆمێنتارییە کە چۆن ئەم بازرگانانەی خەباتیان کردووە بۆ ئەوەی کارەکانیان لە بەرامبەر کۆمپیوتەرەکاندا بهێڵنەوە و نەهێلن جێگریان کەن کە بتوانن کارەکانیان بە شێوەیەکی کاریگەرتر و کاراتر ئەنجام بدەن.
کوردواڵێت: کات لە پەرەسەندندایە و تەکنەلۆژیاش هەروا، کەواتە بازرگانانی کۆن چۆن مانەوە یان پەرەیان سەند لەگەڵ هاتنی بازرگانی ئەلیکترۆنی؟ سەیری فیلمی ‘Floored’ بکە بۆ ئەوەی بزانیت.
ئەم فیلمە باس لە فرە ملیاردێرێکی تەمەن ٦٠ ساڵە بە ناوی ڕۆبەرت میلەر کە لەگەڵ کچەکەی بروک میلەر سندوقێکی وەبەرهێنان بەڕێوەدەبات و بەنیازە بە قازانجێکی زۆر بیفرۆشێت.
کوردواڵێت: ئەو ناجێگیرییە لە بازرگانی سندوقی هێدجدا نیشان دەدات. فیلمێکی خۆش! جێگەی سەرنج و سەرسوڕمان.
Trust No One: The Hunt for the Crypto King (2022)
فیلمێکی دیکۆمێنتاریی سەرنجڕاکێش دەربارەی فێڵێکی ٢٠٠ ملیۆن دۆلاری بیتکۆین. فیلمەکە باس لە دامەزرێنەرێکی گەنجی ئاڵوگۆڕی دراوی کریپتۆ دەکات کە لە داڕماندایە کە بە شێوەیەکی چاوەڕواننەکراو دەمرێت، و دواتر وەبەرهێنەران توڕە دەبن و گومانیان لێدەکەن.
کوردواڵێت: بەڕاستی پێویستە سەیر بکرێت!
فیلمی <وەبەرهێنانی ورد> لەسەر بنەمای چیرۆکی ڕاستەقینە بەڵام باوەڕپێنەکراوی کۆمەڵێک کەسی ئاساییە کە روانگەیەن لەسەر وەبەرهێنانەکانی وۆڵ ستریت گۆڕی و دەوڵەمەند بوون. بە گۆڕینی پشکی فرۆشگای یاری کۆمپیوتەرێک کە کۆمپانیایەکانی وۆڵ ستریت نەیانهێشتبوو سەرکەوتوو بێت.
کوردواڵێت: بە بۆچوونی من شۆڕش تەنیا لە ڕووخاندنی حکومەتەکان نییە. هەندێک جار یەکڕیزی دەتوانێت گەورەترین شۆڕش لە هەر بوارێکدا دروست بکات. ئەم فیلمە دەریدەخات کە ئێستا کۆمپانیاکانی وەبەرهێنان لەسەر بنەمای پێداویستییەکانی کۆمەڵگا بەرەو پێشەوە ناچن و هەموو شتێک دەکەن بۆ ئەوەی قازانجی زیاتر ڕابکێشن. وە شێوازی هەڵبژاردنی پشکەکان لەم کۆمپانیایانەدا پرۆسەیەکە کە بە تەواوی پەیوەستە بە هێزی بازرگانی کۆمپانیاکانەوە نەک بە هێزی ئەو پشکە. ئەم فیلمە نیشانت دەدات کە چۆن نەوەی نوێ دەتوانێت لە ڕێگەی تۆڕە کۆمەڵایەتییەکانەوە پشکێک بەرز بکاتەوە یان دابەزێنێت. شتێک کە لە بواری کریپتۆدا زۆر ڕوودەدات.