دوای ئەوەی کۆمپانیای تێسلا رایگەیاند 1 ملیار و 500 ملیۆن دۆلار بیتکۆینی کڕیوە، بەهای بیتکۆین بەرزبوونەوەی بەرچاوی بەخۆیەوە بینی و توانی ئاستی 45 هەزار دۆلار تێپەرێنێت.
هەرچەندە کۆمپانیای تێسلا بە فەرمی دانی ناوە بە دراوی بیتکۆین و بەو پێیەش رازییە بەوەی پارەی ئۆتۆمبیلەکانی بە بیتکۆین بدرێت، بەڵام بیتکۆین بەناوبانگترین دراوی دیجیتاڵی تاوەکو ئێستا مشتومڕی زۆری لەسەرەوە لەلایەن هیچ بانکێکی ناوەندییەوە پاڵپشتی لێناکرێت.
پێشتر کۆمپانیاکانی وەک AT&T و کۆمپانیای مایکرۆسۆفت رازی بوون بەوەی لە رێگەی پێگەی ئەلێکترۆنی “بیت پەی” بەکارهێنەرانیان پارەی خزمەتگوزارییەکان بە بیتکۆین بدەن، بەڵام کۆمپانیای تێسلا یەکەم کۆمپانیایە کە بە فەرمی بیتکۆین و سامان بەکاردەهێنێت و لە تۆماری وەبەرهێنانەکانی زیادی دەکات.
کۆمپانیای تێسلا، کە تایبەتە بە بەرهەمهێنانی ئۆتۆمبیلی کارەبایی و لەلایەن ئیلۆن مۆسک، دەوڵەمەندترین پیاوی جیهان خاوەنداریێتی دەکرێت، رایگەیاند بەمزووانە کڕیارانی دەتوانن پارەی ئەو ئۆتۆمبیلانەی دەیکڕن بە بتکۆین بدەن.